shajar ko chhod chala pat pat ka jadu
ugaya ghat ne tahni pe raat ka jadu

amir-e-shahr ki diwar chatne wale
samet le gae sadiyon ki baat ka jadu

khuli thi din ko parinde ki taqat-e-parwaz
badan pe chal gaya jangal ki raat ka jadu

saji thi zahr ki pechidgi sar-e-bazar
bika gali mein sapere ke hat ka jadu

mata-e-chashm dulhan ghar hi chhod aai thi
nashe mein jhum raha tha baraat ka jadu