shakhen tarash kar mujhe mahdud mat karo chhanw ghane chinar ki nabud mat karo insan hun gunahgar hun to mujh ko do saza mujh ko sipurd-e-khwahish-e-mabud mat karo shishe mein dekh kar zara pahchan lo mujhe khakon mein apne jalwon ko mahdud mat karo hum sab ne kitne pyar se duniya sanwar di is par khuda-ra barish-e-barud mat karo ho raushni shuur ki aur dil ki chandni ai dost is ko tirgi-e-dud mat karo