sham-e-gham ki hai ata subh-e-masarrat di hai zindagi ne hamein ehsas ki daulat di hai kaise kaise tere ehsas ki chattanon ko main ne lafzon mein tarasha hai to surat di hai meri mutthi mein hai har khwab ki tabir magar tu ne ai wahshat-e-dil kab mujhe mohlat di hai apne isar tah-e-lafz-o-bayan rakkhe hain tere ikram ko sau tarah se shohrat di hai tum ne be-dam kharide hain khushi ke saman hum ne har ek khushi ki badi qimat di hai kitne mauhum ishaaron se phir aane ki mujhe dabdabai hui in aankhon ne dawat di hai