sham-o-sahar har ek ghadi is ka khayal to na kar apni hayat-e-mukhtasar waqf-e-malal to na kar zakhm ke indimal ko us ki raza pe chhod de marham-e-lutf ke liye us se sawal na kar kar-gah-e-hayat mein sabr-o-sukun se kaam le jo tujhe mil nahin saka us ka malal to na kar gham ki har ek dastan shauq se kar bayan magar hijr ke mah-o-sal mein zikr-e-visal to na kar apne kamal-e-shauq ka kar na kisi se tazkira ghair ko ghair hi samajh waqif-e-haal to na kar us se wafa talab na kar wo to jafa-pasand hai apna dayar-e-shauq mein jina muhaal to na kar