shayad koi nigah kare meri zat par
dastak to de raha hun dar-e-kaenat par

dushman se kah raha hun teri anjuman ka raaz
ya phul rakh raha hun main shoale ke hat par

apna bhi qatl hum ne kai dhang se kiya
ab koi chaunkta hi nahin hadsat par

behoshiyon ko nind se nisbat zarur hai
kuchh khar bhi bichha le rida-e-hayat par

ai 'nur' wo to hukm-e-saza de ke chal diya
lafzon ka sara khun raha meri zat par