sher kya jis mein nok-jhok na ho
murgh phir kya lade jo nok na ho

kahin dekhe hi sada-ru khunkhar
chashma-e-aina mein jok na ho

wahi kucha bhula ki jis mein kabhu
dandanalon ki rok-tok na ho

nam gardun pe jis ka hai parwin
neshkar ka ye us ke phok na ho

randi-bazi wo kya kare phir khak
pas jis ke kitab-e-kok na ho

galla bayad haris-e-shahwat-ra
ek bakri se shad-bok na ho

pet ka bhad hai bala na bhare
khub ta is mein jhoka-jhok na ho

husn mutrib hai sun ke gane ka
pesha le jab gale mein dok na ho

kya phanketi ka wo kare dawa
'mushafi' yaad jis ko rok na ho