shikan-alud hai peshani-e-doshiza-e-khuld
nigah-e-rizwan ba-damani-e-doshiza-e-khuld

bast-e-nukta piye kam-bini-e-chashm-e-ashiq
wusat-e-alam-e-hairani-e-doshiza-e-khuld

na hua hasil-e-dushwari-e-kar-e-farhad
ghulghula-ha-e-pashemani-e-doshiza-e-khuld

jada-e-rah-e-muzafat-e-sukhan-ha-e-darun
hain muzayyan ba-gul-afshani-e-doshiza-e-khuld

wo sar-e-bazm ba-ahang-e-sitar-o-barbat
hae andaz-e-ghazal-khwani-e-doshiza-e-khuld

hum hain zindani-e-zindan-e-takhayyul 'hadis'
na ki mushtaq-e-tanasani-e-doshiza-e-khuld