shikwa nahin chaman mein hamein khar-zar se ab dil ko chot lagti hai fasl-e-bahaar se dafnae main ne phul kahan un ki yaadon ke puchho dil-e-shikasta ke ujde dayar se mahsur kis tarah hon meri khun-fishaniyan bahne lagi hain ye nigah-e-ashk-bar se yaadon ke jugnuon ne jala to diya hamein chaliye mili rihai shab-e-intizar se dekhen kidhar se milti hai ab zindagi ki bhik sina-figar se ya kisi gham-gusar se dil ke har ek zakhm bichhae hain rah mein dhak jaen rahnumaon ke gard-o-ghubar se likhwae dushmanon se mere khat ka wo jawab hum bhi jawab denge dil-e-daghdar se chaha tha jab bhi phunk diya meri hasti ko utthega kitni bar dhuan is mazar se jo phul aae mere liye wo hain chashm-e-nam ab ghar sajaiye 'shafaq' ashkon ke haar se