shikwa-sanj-e-umr-e-fani hai bayan-e-arzu
khatm hoti hi nahin hai dastan-e-arzu

aankhon aankhon mein kahi hai dastan-e-arzu
baaton baaton mein kiya hai raazdan-e-arzu

wo bayan-e-arzu par mujh se farmane lage
aarzu dil ki na nikle ye hai shan-e-arzu

ban sanwar kar aae hain wo pursish-e-bimar ko
le rahe hain waqt-e-naza imtihan-e-arzu

mujh mein aur un mein faqat 'mushtaq' itna farq hai
main sarapa aarzu hun wo hain jaan-e-arzu