shisha-e-dil ko faza mein na uchhaalo yaro tut kar is ko bikharne se bacha lo yaro jism ke zakhm to bhar jaenge waqt aane par ruh zakhmi hai ilaj is ka nikalo yaro ku-e-qatil mein bulawa hai ba-sad-shan chalo aaj zakhmon se badan apna saja lo yaro zist ki talkh-nawai hai mere sheron mein be-tuki kah ke meri baat na talo yaro kulfat-e-zist se mil jaegi fursat tum ko mere ashaar ko honton se laga lo yaro