shuur-e-zat ke sanche mein dhalna chahta hun
main girne se bahut pahle sambhalna chahta hun

libas-e-adam-e-khaki badalna chahta hun
main apne jism se bahar nikalna chahta hun

tumhaari yaad ki barish mein jalna chahta hun
main sang-o-khisht hun lekin pighalna chahta hun

mere andar khazane hain ugalna chahta hun
tah-e-patal ko chhu kar uchhalna chahta hun

mujhe pichhe nahin rahna hai jine ki tamanna
husain ibn-e-ali ke sath chalna chahta hun