sina khun se bhara hua mera
uf ye bad-mast mai-kada mera

na rasai pe naz hai jis ko
hae wo shauq-e-na-rasa mera

dil-e-gham-dida par khuda ki mar
sina aahon se chhil gaya mera

yaad ke tund-o-tez jhonke se
aaj har dagh jal utha mera

yaad-e-mazi azab hai yarab
chhin le mujh se hafiza mera

minnat-e-charkh se bari hun mein
na hua jite-ji bhala mera

hai bada shaghl zindagi 'akhtar'
puchhte kya ho mashghala mera