siskiyon ko daba ke roya hun apne aansu chhupa ke roya hun ranj-o-gham apne bebasi dil ki apne rab ko bata ke roya hun soch kar ye ki bah hi jae gham aansuon mein sama ke roya hun jis ko khone ka dar sa rahta tha dekho us ko main pa ke roya hun us ki khatir usi ko chhoda hai us ko khushiyan dila ke roya hun tera gham to hua nasib mujhe chalo kuchh to kama ke roya hun zakhm ek dil pe kha ke roya hun waste bewafa ke roya hun sau tarah ke sawal honge so main bahana bana ke roya hun bhari mahfil mein apni baaton se baqi sab ko hansa ke roya hun mujh ko dekho 'hadid' chehre par muskurahat saja ke roya hun