so gaya qabr mein munh dhanp ke sone wala umr bhar rota rahe ab koi rone wala tut jata hai to ro deta hai rone wala kyon banata hai khilaune ye khilaune wala jin ke aangan mein nahin koi bhi rone wala un gharon se bhi guzarta hai khilaune wala us ki marzi hai wo mukhtar hai jo chahe kare meri marzi se kahin kuchh nahin hone wala mere aamal ki gathdi to mere sar hogi hai koi bojh mere nam ka dhone wala phir nahin rakhta khabar apni na duniya ka khayal justuju mein teri jab khota hai khone wala ek bhi ashk agar chashm-e-nadamat mein nahin kaun phir daman-e-isyan ka hai dhone wala justuju karte raho khair ki ummid rakho 'shad' ho jaega jo kaam hai hone wala