sochta hun palat kar kahan jaegi
did manzar se hat kar kahan jaegi

khwab bedar ho kar kahan jaenge
aur tabir bat kar kahan jaegi

ji raha hun to darpesh hai zindagi
mar gaya to nimat kar kahan jaegi

main aziyyat ke sahra ka darwesh hun
ai udasi palat kar kahan jaegi

mustaqil bas yahi soch hai ya khuda
sari duniya simat kar kahan jaegi

thik se main tujhe yaad hota nahin
chhod de aise rat kar kahan jaegi

waqt 'rashid' guzar to raha hai magar
ye ghadi pal se kat kar kahan jaegi