sukun mil gaya hai qarar aa gaya hai kisi par hamein e'tibar aa gaya hai qafas mein bhi kaisi bahaar aa gai hai qafas mein jo zikr-e-bahaar aa gaya hai un aankhon ko dekha hai makhmur jab se in aankhon mein bhi kuchh khumar aa gaya hai mala hai dam-e-subh-e-shabnam ne ghaza ye kyun ru-e-gul par nikhaar aa gaya hai 'munawar' ko dekha to kuchh log samjhe sar-e-bazm ek baada-khwar aa gaya hai