suni hai chap bahut waqt ke guzarne ki magar ye zakhm ki hasrat hai jis ke bharne ki hamare sar pe to ye aasman tut pada ghadi jab aai sitaron se mang bharne ki girah mein dam to rakhte hain zahr khane ko ye aur baat ki fursat nahin hai marne ki bahut malal hai tujh ko na dekh pane ka bahut khushi hai teri rah se guzarne ki batao tum se kahan rabta kiya jae kabhi jo tum se zarurat ho baat karne ki