tahlil hue jate hain aawaz ke sam mein
tair to chale aae the gandum ke bharam mein

aawaz lagati hai mujhe meri khamoshi
aur shor machati hai saba dida-e-nam mein

tanhai chali aai thi ek roz mere ghar
ab khak udati hai isi dasht-e-alam mein

jo log mujhe dhundhne nikle the unhen ab
sab dhundhne nikle hain mere naqsh-e-qadam mein

hum kaise yahan khwab ke ambar lagate
aankhen to laga rakkhi thin viran shikam mein