tal sochen na samundar sochen
sirf ek mauj-e-munawwar sochen

shor bazar se hat kar baithen
apne andar jo hai mahshar sochen

pas-e-dar nikle hiqarat ki pasand
dastaken di hain to kyun kar sochen

hum bhi sakit hain jumud un par bhi
khud ko but samjhen ki aazar sochen

hum kahan aur kahan chor-qadam
shah koi paen to khul kar sochen

khub hai ye bhi watira 'ejaz'
khushk zehnon mein rahen tar sochen