talash jin ki hai wo din zarur aaenge
ye aur baat sahi hum na dekh paenge

yaqin to hai ki khulega na khul saka bhi agar
dar-e-bahaar pe dastak diye hi jaenge

ghunuda rahon ko tak tak ke sogwar na ho
tere qadam hi musafir inhen jagaenge

labon ki maut se bad-tar hai fikr-o-jazb ki maut
kidhar hain wo jo unhen maut se bachaenge

tawil raat bhi aakhir ko khatm hoti hai
'sharif' hum na andheron se mat khaenge