tamam aab-o-hawa bahr-o-hajar aaluda
hui hai dahr ki har sham-o-sahar aaluda

hasad ne bughz ne ghibat ne ibn-e-adam ke
kiye hain zehnon ke aiwanon ke dar aaluda

hamin ne kat ke jangal basae pukhta shahr
aur is tarah se kiye ganw ke ghar aaluda

ajib qism ki aaludgi hai duniya mein
ki qaumen sari hui jati hain shar-aluda

kisi ko bakhsha na aaludgi ne ai 'shaarib'
tamam ahl-e-bashar nari-o-nar aaluda