tamam izzat-o-rifat khuda ki shan mein hai wahi gawahi moazzin ki har azan mein hai purane zakhm mere ho gae hain phir taza ajib dard ki lazzat tere bayan mein hai sitamgaron ke jigar ko jo pash-pash kare ek aisa tir abhi tak meri kaman mein hai ajib baat hai dushman bhi qadr karte hain ye ek jadugari bhi teri zaban mein hai wo jin ke nur se pur-nur kaenat hui unhin ka nur zamin aur aasman mein hai meri dua hai khuda us ko shad-kaam rakhe jo lutf-e-sher meri madari zaban mein hai khuda ne bakhshi hai 'maqsud' jo tujhe khubi kahan wo khubi kisi aur khush-bayan mein hai