tamam umr guzari jise bachate hue
wo dil diya use lamhon mein muskuraate hue

kisi ka sara safar ujlaton ki nazr hua
kisi ne socha nahin tha qadam uthate hue

har ek sans ne rakkha mughaalate mein mujhe
main kharch hota gaya zindagi kamate hue

kashid raushni kuchh log is se kar lenge
kisi ne socha tha kab tirgi banate hue

nazar mein rakhna mere khal-o-khad tasalli se
ai kuza-gar tu mujhe chaak par ghumate hue