tamam umr hi wahm-o-guman mein guzri
meri to pyas sarabon ke dhyan mein guzri

main chandni thi zamin par utar hi aana tha
wo thahra chand to shab aasman mein guzri

gali mein ishq ki mahnga tha wasl ka bangla
to sans hijr ke saste makan mein guzri

kahan pe karti hai sarkar-e-dil riayat kuchh
kamai ishq ki sari lagan mein guzri

ye umr aadhi to kar-e-jahan mein bit gai
bachi thi wo bhi safar ki thakan mein guzri