tamam umr ye uqda nahin khula mujh se
har ek shakhs hai kyunkar gurez-pa mujh se

ajib hukm hai us ki saza bhi main katun
wo ek jurm jo sarzad nahin hua mujh se

main kis tarah se use zindagi samajh leta
jo ek bar bhi khul kar nahin mila mujh se

nazar jo us se hataun to aisa lagta hai
koi namaz hui ho kahin qaza mujh se

hujum-e-shahr pe ilzam kis liye 'asim'
mera nasib hi karta raha dagha mujh se