tapish ho soz-e-gham ho ishq mein lekin fughan kyon ho lagi ho aag sine mein magar us mein dhuan kyon ho luta di apne hathon jab mataa-e-sim-o-zar main ne to phir ab sang-rezon par gham-e-sud-o-ziyan kyon ho nigah-e-awwalin to intihai kaif-parwar thi wahi dil mein utar kar umr bhar ko nish-e-jaan kyon ho ata-e-gham mein bhi tafriq ki talib hai khuddari jo sab ki dastan-e-gham ho meri dastan kyon ho na jite ji shifa bakhshi na jine ki dua mangi koi phir 'nur' mayyat par hamari nauha-khwan kyon ho