tere aage yar-e-nau yar-e-kuhan donon hain ek zagh-e-zisht aur tuti-e-shakkar-shikan donon hain ek main siyah-bakht aur raqib-e-ru-siyah ham-rang hain qir tere pas aur mushk-e-khutan donon hain ek naghma-kash kya dastan apni sunae wan jahan surat-e-bulbul aur fariyaad-e-zaghan donon hain ek ho raqib-e-murda-shau par ho na kyun raushan-bayan yan charagh-e-gor-o-sham-e-anjuman donon hain ek 'lutf' ki aazad-wazi se maza kya khak uthaen yan zaqum-e-dozakh o sarw-e-chaman donon hain ek