tere aashiq ko talab gul ki na gulzar ki thi josh-e-wahshat mein hawas wadi-e-pur-khar ki thi tere jhonkon ne udaya hai jise waqt-e-sahar ai saba khak wo mere dil-e-bimar ki thi chaman-e-ishq-o-mohabbat mein ba-san-e-nargis aankh hasrat se khuli talib-e-didar ki thi shab-e-tarik se furqat ki main kyun ghabraata wo siyahi bhi tere gesu-e-khamdar ki thi khwahish-e-did pe be-kar bigad jate hain ye to farmaiye kya baat ye takrar ki thi wo jo utthe to qayamat ne uthaya sar ko wo bhi muhtaj magar qamat-e-dildar ki thi zoaf ne kar diya khamosh 'jamila' warna hum se raunaq to kabhi kucha-e-dildar ki thi