tere abru pe bal aaya to hota
zara ghairon ko dhamkaya to hota

bajae farsh main aankhen bichhata
tu apne wade par aaya to hota

samajhte farsh par hum chadar-e-gul
tera ai rashk-e-gul saya to hota

shikayat aaegi ai jazb-e-ulfat
janaze par use laya to hota

kiya tha gar falak tu ne siyah-bakht
to main us mah ka saya to hota

na hota dard-e-sar phir tum ko 'ajiz'
sar us ke dar pe takraya to hota