tere bikhre lafz bhi afkar se aari nahin
is haqiqat se to koi shakhs inkari nahin

phailta jata hai ek sartan tere jism mein
nashtaron ke khauf se mat kah ye bimari nahin

guzre waqton ye ibarat mein to kho kar rah gaya
waqt ke mathe ki tahriron ka tu qari nahin

teri har aawaz un ke shor mein dab jaegi
un ka maqsad to tera hanka hai shashkari nahin

maslahat-andesh to kotah-andeshon mein hai
aaina tera abhi maila hai zangari nahin