tere khayal ka daman sukhan ne tham liya firaq mein bhi mohabbat se khub kaam liya hamara ishq ibaadat ka agla darja hai khuda ne chhod diya to tumhaara nam liya ghamon se bair tha so hum ne khud-kushi kar li shajar gira ke parindon se intiqam liya bichhad ke tum se kai bichhde log yaad aae diya bujha to inhin jugnuon se kaam liya nigah-e-shauq ki aamad hui thi basti mein har ek chand ne phir apna apna baam liya