tere milne se hi thanda dil-e-atish-fashan hoga zara si aanch hogi kam jo sine mein dhuan hoga chahakte hain khayalon ke mere bulbul asiri mein ki teri yaad ke pinjre mein un ka gulsitan hoga agar shauq-e-bulandi hai to paida kar zamin apni wagarna tu kahan hoga tera kya aasman hoga yahi to zindagani hai ye is dil mein na jaegi ki jis dil mein sukun aasudgi amn-o-aman hoga ghulam us ki laton ka hai nahin goron ka ye 'akhtar' kabhi aazad kya dil ka mere hindostan hoga