teri rahmat ne kar diya gustakh
warna pahle to main na tha gustakh

aap jo kuchh kahen sar aankhon par
aur main ne jo kuchh kaha gustakh

saf-goi se kaam leta hun
tum ne mujh ko samajh liya gustakh

kat dete wo kyun na hath mera
un ke daman pe badh chala gustakh

khul gai aankh ab to ai nargis
aur un se nazar mila gustakh

munh pe kahte use nahin banta
warna 'sarshaar' hai bada gustakh