zindagi chain pa nahin sakti

zindagi chain pa nahin sakti
maut ko maut aa nahin sakti

phunk sakti hai barq gulshan ko
phul is mein khila nahin sakti

tod deti hai maut saz-e-hayat
lekin is ko baja nahin sakti

tum na chaho to ye nasim-e-bahaar
gul chaman mein khila nahin sakti

zindagi lakh tabdar sahi
maut ki tab la nahin sakti

hum pe hansna to us ko aata hai
hum ko duniya hansa nahin sakti

hum se insan kahan milenge use
hum ko duniya bhula nahin sakti


Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close