teri samt jaane ka rasta nahin ho raha rah-e-ishq mein koi moajiza nahin ho raha koi aaina ho jo khud se mujh ko mila sake mera apne-ap se samna nahin ho raha tu khuda-e-husn-o-jamal hai to hua kare teri bandagi se mera bhala nahin ho raha koi raat aa ke thahar gai meri zat mein mera raushni se bhi rabta nahin ho raha use apne honton ka lams do ki ye sans le ye jo ped hai ye hara-bhara nahin ho raha