teri zulfon ke pech-o-kham ki qasam chain se hain tere sitam ki qasam jis ne dekhin so dil ganwa baitha teri aankhen wo jam-e-jam ki qasam hum to dekha kiye the hasrat se surkhi-e-lab ko chashm-e-nam ki qasam ladkhadana hai un ki fitrat mein kaun khae tere qadam ki qasam jaane kab pi thi par nasha na gaya mere saqi tere karam ki qasam but gae but-kada hai virana dil hai baqi abhi haram ki qasam ho mubarak tumhein ye bazm-e-turab hum bhi khush hain jahan-e-gham ki qasam