be-bason pe yatimon pe hansti rahi fiqre be-kas pe duniya ye kasti rahi kuchh bhi duniya mein us ka to apna nahin phir bhi kyon jaan duniya mein phansti rahi chahi jo neamaten tum wo khate rahe budhi man dekh kar hi tarasti rahi main bulandi ki parwaz karta raha jo rahi meri manzil so pasti rahi shukr har haal mein kyon na karta bhala aazmaish meri tang-dasti rahi umr bhar zindagi ko main rota raha umr bhar zindagi mujh pe hansti rahi ek su barhami ek jaanib khushi dil ke jo pas thi dil mein basti rahi baad rukhsat ke 'tanwir' ye chashm-e-nam kyon use dekhne ko tarasti rahi