thahar ke rah mein kuchh der intizar karo wafa karo na karo mera eatibar karo hai qaid mazhab-o-millat giran tumhaare liye ada kabhi to namaz-e-sad-iftikhar karo hai bewafa badi zalim hasina mah-jabin kabhi to us ka bharosa be-ikhtiyar karo gawara mujh ko nahin thi tumhaari ruswai tha wo junun mera mujh pe eatibar karo kabhi to pyar se mera bhi nam tum likkho meri tasalli ko kuchh mere gham-gusar karo 'shagufta' itni bhi ghaflat tumhaari thik nahin kabhi to haq ke liye apni jaan nisar karo