tu abhi rahguzar mein hai qaid-e-maqam se guzar
misr o hijaz se guzar paras o sham se guzar

jis ka amal hai be-gharaz us ki jaza kuchh aur hai
hur o khiyam se guzar baada-o-jam se guzar

garche hai dil-kusha bahut husn-e-farang ki bahaar
taerak-e-buland-baam dana-o-dam se guzar

koh-shigaf teri zarb tujh se kushad-e-sharq-o-gharb
tegh-e-hilal ki tarah aish-e-niyam se guzar

tera imam be-huzur teri namaz be-surur
aisi namaz se guzar aise imam se guzar