tu jo aabaad hai ai dost mere dil ke qarib
meri manzil bhi hai goya teri manzil ke qarib

dub jate hain talatum mein safine akasr
dubta aur hi kuchh baat hai sahil ke qarib

uth gaya duri-e-manzil ki thakan ka ehsas
rah kuchh aur kathin ho gai manzil ke qarib

maut har bar rihai mein meri manea hui
le gai zist to akasr mujhe qatil ke qarib

'soz' khud un ki khalish rashk-e-masihai hai
zakhm aise bhi shagufta hain mere dil ke qarib