tu ne aisa bhi kya kiya mujh par be-asar ho gai dawa mujh par main hun kesu ka zard phul miyan rang jachta nahin hara mujh par rona lazim nahin mere ham-dam muskura qahqaha laga mujh par khak mein ud gaya mera khaka is tarah aasman gira mujh par tum ghadi-bhar ko ruk nahin jate rahm karte nahin zara mujh par mujh ko jad se ukhadne wale panchhi karte the aasra mujh par meri mitti bhi 'faiz' sona hai mehrban ho agar khuda mujh par