tu udne ka jab bhi irada karega
falak apna sina kushada karega

abhi dil ko qabu mein kar lo to behtar
ye majbur warna ziyaada karega

safar ka irada badal jae shayad
rah-e-dil wo jab tak kushada karega

maani ka us mein samundar sa hoga
ba-zahir wo har baat sada karega

wahi naujawan hoga millat ka tara
jo talim se istifada karega

main dhal bhi gaya to ye mahtab 'ahsan'
ziya se meri istifada karega