tu zaban-e-dehli-o-lahaur ka parwardigar
main sukut-e-gilgit-o-askar do-para-e-chanar

bakriyan roz-e-azal se koh ki rasta shanas
ai sunahri zin wale nuqrai rath ke sawar

gulshan-e-izhaar ke do khsraw-o-sarmast phul
rang se raushan zamin-e-hind az-ta kohsar

yar hum do mukhtalif duniyaon ke tashrih gar
tu kisi firqe ka shair main lisan-e-kirdgar

ungliyon mein raushni dete zamurrad ke charagh
marmarin bazu ka halqa surkh yaquti hisar

raushni tarik raste se zamin tak aa gai
bij ko shauq-e-numu ne kar diya hai aashkar