tum achchhe masiha ho dawa kyon nahin dete be-nur jo hai shama bujha kyon nahin dete be-nam hun be-nang hun zahir to hai tum par gar rabt nahin dil se bhula kyon nahin dete khushbu kei tarah phul kei uthunga chaman se tum phul ko zulfon se gira kyon nahin dete pahunchunga kashakash mein jahan tum ne bulaya tum hashr ke maidan se sada kyon nahin dete mahfil mein agar raunaq-e-mahfil hai koi aur ye baat bhi mahfil ko bata kyon nahin dete ek bund si larzan hai sar-e-chashm-e-tamanna nayab nahin aab gira kyon nahin dete na-karda gunahon kei saza maut mili hai phir karda gunahon kei saza kyon nahin dete zakhmon ko mere dil pe agar dekh liya hai daman se wafaon kei hawa kyon nahin dete dekha tha kabhi hum ne mohabbat ka janaza baqi hai agar kuchh to dikha kyon nahin dete har lamha hamara hi fasana hai zaban par hum kuchh bhi nahin hain to bhula kyon nahin dete kar lenge har ek manzil-e-dushwar ko sar hum ek jam mohabbat ka pila kyon nahin dete