tumhaari zulf ka har tar mohan
hua mere gale ka haar mohan

tasawwur kar tera husn-e-araq-nak
meri aankhen hain gauhar-bar mohan

dam-e-akhir talak hun kafir-e-ishq
hua tar-e-nafas zunnar mohan

birah ka jaan kundan hai nipat sakht
dikha is waqt par didar mohan

hamare mushaf-e-dil ki qasam kha
kiya hai zulm ka inkar mohan

gul-e-ariz kun tere yaad kar kar
hua hai dil mera gulzar mohan

'siraj' aatish mein hai tere firaqon
bujha ja mahr sin yak bar mohan