tum ko apna shumar karte hain dida-o-dil nisar karte hain un ka mashq-e-sitam rahe jari jin ko hum dil se pyar karte hain hum se to bad-guman rahe to rahe hum tera eatibar karte hain hum banate hain phul kanton ko aap phulon ko khar karte hain aap ko shauq hai to mazhab hum ishq ka ikhtiyar karte hain hum juda tum se rah nahin sakte rishta phir ustuwar karte hain bakhshi 'khushtar' ko dard ki daulat shukr-e-parwardigar karte hain