tum ne kaisi ye ki hai wafa zindagi
har koi mujh se hai ab khafa zindagi

koi dushman bhi deta nahin is tarah
jaisi tum ne mujhe di saza zindagi

muskurahat teri kab se dekhi nahin
dekh kar mujh ko tu muskura zindagi

baat kar mujh se meri taraf dekh kar
baat kar aur mujh ko hansa zindagi

zabt tuta to kuchh bhi bachega nahin
zabt mera na yun aazma zindagi

khak tak chhan li duniya-bhar ki magar
tere jaisa na mujh ko mila zindagi

main daghabaz tha so mujhe bhi 'risha'
phir diya doston ne dagha zindagi