tum ne sikha hai agar sirf hukumat karna
yaad rakhna hamein aata hai baghawat karna

donon maidanon mein apna nahin sani koi
hum se tum soch ke nafrat ya mohabbat karna

khud sikhae the jise hum ne ye ulfat-adab
ab ye lazim hai khule us pe adawat karna

khud-bakhud log bithaenge tumhein palkon par
pahle khud sikh to lo auron ki izzat karna

gar nahin ranj mujhe us se bichhadne ka to phir
aaj tak kyon nahin bhula use rukhsat karna