ubhar ke aaya tha shab hote hi hunar mera phir intizar hi karti rahi sahar mera main roz tapte hue dasht se guzarta hun main roz kahta hun aaega ham-safar mera zamin pe hote hue bhi main aasman pe tha jab us ki god mein rakkha hua tha sar mera kabhi zaban se wo izhaar to na kar paya khayal dil mein basa kar jiye magar mera tumhaare baad bhi tode bahut se dil main ne tumhaare baad bhi jari raha safar mera bade sukun se rahti hai mujh mein khamoshi bhale hi chikhta rahta ho sara ghar mera