udas rut ke thaharne ka dukh samajhte ho
chalo ki tum bhi bikharne ka dukh samajhte ho

suna to dun tumhein qissa meri mohabbat ka
ek ek zakhm ubharne ka dukh samajhte ho

kisi ko sar pe bithaya hai kya kabhi tum ne
kisi ke dil se utarne ka dukh samajhte ho

tamam raste jin par chale the hum donon
ab un se tanha guzarne ka dukh samajhte ho

hasin libas mein bhi khush nahin hai wo dulhan
baghair marzi sanwarne ka dukh samajhte ho